Urtero bezala, Askartzan, Urri Misiolaria antolatu dugu. Aurten zorte handia izan dugu, Koldo Iribarren gurekin egon delako testigantza ematen eta gure laguntzagatik eskerrak ematen. Horrekin lotuta, Aitordetza martxan jarri dugu eta diru mordoa ateratzea espero dugu Ipar Potosiko umeei eta gazteei laguntzeko. Aita Klareti buruz hitz egiteaz gain, aurten bi gauza berriegin dugu: lehenengoa, Minbiziaren kontrako kanpaina bat izan da, gaixotasun honi aurre egiteko diru bilketan ume askok parte hartu dutelarik. Eta bigarrena, 2. batxilergoko ikasle batzuek bultzatuta eta antolatuta, “pobreza cero” kanpaina izan da. Sinadurak eta dirua eskatzeaz gain, igande batean, Leioan, pobreziaren kontrako manifestu eta kontzertu bat antolatu dute. Eskerrik asko zuen laguntzagatik.
